Мицкоски и на Хан му кажал дека ќе седне со Заев само ако има датум за предвремени избори

Прес-конференција на Заев и Хан (ВО ЖИВО)
July 25, 2019
Средба на Димитров со Рикер, в.д. помошник државен секретар на САД за Европа и Евро-Азија
July 25, 2019

Мицкоски и на Хан му кажал дека ќе седне со Заев само ако има датум за предвремени избори

Want create site? Find Free WordPress Themes and plugins.

Загриженост поради застојот во европските интеграции и недобивањето на датум за преговори како и загриженоста поради отсуството на волја кај владата во справувањето со  растечкиот криминал, скандалите и висока корупција која е присутна во највисоките ешалони на власта, изразил лидерот на ВМРО-ДПМНЕ Христијан Мицкоски на средбата со комесарот за европска соседска политика и преговори за проширување на Европската Унија, Јоханес Хан.

– Сериозните скандали го рушат кредибилитетот на земјава и ја подриваат правната држава загрозувајќи ја и европската иднина – вели Мицкоски.

Тој истакнал дека немањето на волја за справување со корупцијата и сомнежите за криминал се гледа и во предлог законот на премиерот Заев за организирање на обвинителството каде наместо непристрасна борба против корупцијата се нудат решенија кои ќе бидат алатка за политички притисоци и заштита на криминалот.

Мицкоски ги истакнал забелешките на предлог законот за обвинителство посочувајќи дека ниту еден криминал не смее да остане имун на правдата и дека на тој план не се потребни компромиси.

За европската перспектива на земјава, Мицкоски посочил дека граѓаните не треба да бидат казнети поради лошите политики на неодговорната власт и затоа ВМРО-ДПМНЕ смета дека е потребно да се додели датум за преговори со Европската Унија што би било и дополнителен механизам за контрола на власта.

Лидерот ан ВМРО-ДПМНЕ истакнал дека услов за нова лидерска средба и дијалог со власта за повеќе прашања е одредување на датум за предвремени парламентарни избори како начин за враќање на процесите на вистинскиот правец и обезбедување на европска иднина за Република Македонија.

Претседателот на ВМРО-ДПМНЕ истакнал дека ги цени напорите и заложбите на Европската Унија за напредок на земјава и нејзиното инсистирање за реформи кои ќе бидат за добробит на граѓаните на Република Македонија. Тој посочи дека европската иднина на државата е единствената алтернатива за вистински напредок и низ еден партнерски однос со Унијата економски и политички да се унапредува нашето општество.

Мицкоски ги истакнал забелешките на предлог законот за обвинителство посочувајќи дека ниту еден криминал не смее да остане имун на правдата и дека на тој план не се потребни компромиси.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink
Did you find apk for android? You can find new Free Android Games and apps.